Um listana
Í upptalningu á tónverkum í listunum á orðið strengjakvartett ávallt við verk fyrir tvær fiðlur, víólu og selló, strengjatríó er verk fyrir fiðlu, víólu og selló og strengjakvintett verk fyrir tvær fiðlur, tvær víólur og selló (undantekning: strengjakvintett D. 956 e. Schubert sem er fyrir tvær fiðlur, víólu og tvö selló). Strengjasextett er verk fyrir tvær fiðlur, tvær víólur og tvö selló.
Þegar talað er um píanókvintett er átt við verk fyrir píanó og strengjakvartett (undantekning: píanókvintettar D. 667 e. Schubert og op. 87 e. Hummel sem eru fyrir píanó, fiðlu, víólu, selló og kontrabassa) og klarínettukvintett er verk fyrir klarínettu og strengjakvartett. Á sama hátt er píanókvartett, klarínettukvartett (o.s.frv.) verk fyrir píanó, klarínettu (o.s.frv.) og strengjatríó.
Orðið blásarakvintett er aðeins notað um verk fyrir flautu, óbó, klarínettu, horn og fagott.
Orðið píanótríó er aðeins notað um verk fyrir píanó, fiðlu og selló.
Í flytjendalistanum er erlendum tónlistarmönnum raðað eftir eftirnafni, nema þeim sem hafa sest að hér á landi.
Í tónskálda/tónverkalistanum er verkum hvers höfundar raðað eftir fjölda flytjenda, einleiksverk eru efst, þá dúó, tríó og svo koll af kolli. Verkum fyrir jafn marga flytjendur er raðað út frá þeirri grunnreglu að söngverk eru efst, þá koma verk fyrir blásturshljóðfæri, síðan strengjaverk og loks verk fyrir píanó og strengi.
Spurningamerki við tónverk þýðir að vafi leikur á því að viðkomandi verk sé samið af höfundinum sem um ræðir.
Hljóðfæraskammstafanir:
fl þverflauta
ób óbó
kl klarínetta
hn horn
fg fagott
fi fiðla
va víóla
se selló
kb kontrabassi
pn píanó
